Kaveri nadiya stotra

 ಶ್ರೀಜಗನ್ನಾಥದಾಸರ ಕೃತಿ

ಕಾವೇರಿ ನದಿಯ ಸ್ತೋತ್ರ ಪದ

ರಾಗ : ನಾಟ

ಆದಿತಾಳ

ಕಾವೇರಿ ಕಲುಷಹಾರಿ

ಪಾವನ

ಶರೀರೆ ಶುಭತೋಷಕಾರಿ ||pa||

ಶ್ರೀ ವಾಸುದೇವ ರಂಗೇಶನಾಲಯಕೆ ನೀ

ಆವರಣಳಾಗಿಪ್ಪೆ ವಿರಜೆಯಂತೇ

ದೇವ ಋಷಿ ಗಂಧರ್ವ ಪಿತೃಪ ನರವರರಿಂದ

ಸೇವನೀಯಳಾಗಿ ಸರ್ವಾರ್ಥ ಪೂರೈಪೆ ||1||

ರವಿ ತುಲಾರಾಶಿಗೈದಿದ ಸಮಯದೊಳಗೊಂದು

ದಿವಸ ಮಜ್ಜನ ಗೈವ ಮಾನವರಿಗೆ

ಪವನಾಂತರಾತ್ಮಕನ ಪಾದಕಮಲವ ತೋರಿ

ಭವಜ ರೋಗವ ಕಳೆದು ಭಾಗ್ಯವಂತರ ಮಾಳ್ಪೆ ||2||

ಮೂಢಮತಿ ನಾನು ಕೊಂಡಾಡ ಬಲ್ಲೆನೆ ನಿನ್ನ

ಬೇಡಿಕೊಂಡೆನು ಹೃದಯ ನೀಡದೊಳಗೇ

ಗೂಡ ಪದ ಶಯನ ಜಗನ್ನಾಥ ವಿಠ್ಠಲನಂಘ್ರಿ

ನೋಡುವ ಸೌಭಾಗ್ಯ ದಯ ಮಾಡು ಪ್ರತಿದಿನದಲ್ಲಿ  ||3||

 *ಚಿಟ್ಟೆಸ್ವರ*

(ಮಧ್ಯಮಕಾಲ)

ಪಾನಿಪ ಮಪನೀಪಮಗಮಪನಿಪಾ

ಮಪಮಗಾಮರಿಸ ರಿಗಮಪದನಿಸ

ಸರಿಗಮರೀಸನಿ ಪನಿಸರಿಸಾನಿಪ

ಮರಿಸನಿಪ .... ರಿಸನಿಪಮ... ಸನಿಪಮರಿಸ ॥ಕಾವೇರಿ॥